Kако дел од активностите на Народната банка за одбележување на Јубилејот – 30 години монетарна самостојност (26 април 1992 година воведување на македонскиот денар), во ООУ „11 Октомври“ – Скопје, Центар се одржа обука за учениците од седмо, осмо и деветто одделение во доменот на финансиската едукација. Следуваше натпревар на кој учениците си ги одмерија силите играјќи ја едукативната игра „Заработете и заштедете“. Учениците имаа можност да се забавуваат и да научат повеќе за вредноста на парите како и за користење на разните финансиски можности како би оствариле дополнителна заработувачка. Целта на овој проект е поттикнување поголем интерес и стекнување на знаења од областа на економијата и финансиите кај младата популација.
|
|
|
