Ученици од ООУ „11 Октомври“, општина Центар, Скопје, успешно реализираа посета на Македонскиот Народен Театар, МНТ, во Скопје при што проследија раритетна изведба на познатиот уметнички „Ансамбл Македонија“, на крајот од ноември, 2015.
Со проследувањето на овој редок настан во МНТ, учениците се здобија со трајни сознанија за специфичностите на народните обичаи, обреди, носии, песни и народни инструменти од различни предели од Македонија, задржани и сочувани кај Македонците со исламска вероисповед.
Изведбата опфати прекрасни македонски песни и обичаи од повеќе предели на Македонија, коишто се уште ги одржуваат и негуваат македонците со муслиманска вероисповед. Конкретно, учениците ги проследија таквите раритетни изведби од: Струшки Дримкол, Долна Река, Гора, Азаџија – Скопско, Караџова – Меглен и од Азот – Велешко. Истовремено, овие изведби, беа испреплетени и поткрепени со специфична народна музика од стари инструменти, како што се тапани, зурли, дајриња, и други народни инструменти. Притоа, вокално-инструменталната изведба ја долови прекрасноста на сочуваниот народен дух што како традиција се пренесува од колено на колено и преку секојдневно практикување, а и при свадби, обреди и пригодни празници. Во контекст на целокупниот настан, организиран и поткрепен од Сојузот на Македонците со исламска вероисповед и Комисијата за односи со верските заедници и религиозни групи, беше прикажан и краток документарен филм од селото Цветово, Скопско под наслов што конкретно го опишува и народниот обичај, како дел од свадбен обред: „Пишање на невестата“.
Успешно реализираната посета на МНТ и изведбата на познатиот уметнички „Ансамбл Македонија“, овозможи и учениците од ООУ „11 Октомври“, лично, да осознаат дел од народниот бит што се уште опстојува на просторот на Македонија, во различни нејзини предели, а задржани и сочувани кај Македонците со исламска вероисповед.
Со проследувањето на овој редок настан во МНТ, учениците се здобија со трајни сознанија за специфичностите на народните обичаи, обреди, носии, песни и народни инструменти од различни предели од Македонија, задржани и сочувани кај Македонците со исламска вероисповед.
Изведбата опфати прекрасни македонски песни и обичаи од повеќе предели на Македонија, коишто се уште ги одржуваат и негуваат македонците со муслиманска вероисповед. Конкретно, учениците ги проследија таквите раритетни изведби од: Струшки Дримкол, Долна Река, Гора, Азаџија – Скопско, Караџова – Меглен и од Азот – Велешко. Истовремено, овие изведби, беа испреплетени и поткрепени со специфична народна музика од стари инструменти, како што се тапани, зурли, дајриња, и други народни инструменти. Притоа, вокално-инструменталната изведба ја долови прекрасноста на сочуваниот народен дух што како традиција се пренесува од колено на колено и преку секојдневно практикување, а и при свадби, обреди и пригодни празници. Во контекст на целокупниот настан, организиран и поткрепен од Сојузот на Македонците со исламска вероисповед и Комисијата за односи со верските заедници и религиозни групи, беше прикажан и краток документарен филм од селото Цветово, Скопско под наслов што конкретно го опишува и народниот обичај, како дел од свадбен обред: „Пишање на невестата“.
Успешно реализираната посета на МНТ и изведбата на познатиот уметнички „Ансамбл Македонија“, овозможи и учениците од ООУ „11 Октомври“, лично, да осознаат дел од народниот бит што се уште опстојува на просторот на Македонија, во различни нејзини предели, а задржани и сочувани кај Македонците со исламска вероисповед.
