Општинско основно училиште ,,11 Октомври,, - Скопје реализираше вежба за природни непогоди т.е техничко – технолошка непогода – пожар. На одржаниот наставнички совет, одговорниот наставник Олга Оџаклиеска ги запозна вработените во училиштето со активностите кои следат т.е постапки за евакуација на учениците и вработените, следејќи ја поставената мапа за правци на движење во секој хол на училиштето. На 19.02.2015 година се реализираше теоретска и практична настава за сите вработени во училиштето за правилно користење на ППА апарати од страна на стручни лица. На 23.02.2015 година секој одделенски раководител на одделенскиот час реализираше предавање пред учениците за симулација за евакуација од пожар. На 27.02.2015 година во 9 часот се реализираше вежба за евакуација на учениците и вработените. Вежбата успешно се изреализира за време од 4 мин. Присутни беа и претставници од Општина Центар, од кои добивме позитивно мислење.
|
|
|
